ದೇವರೂ ಎನಿಸಿಕೊಂಡಿರುವ ಆ Invisible Legendಗೆ !!! ನಾಲ್ಕು ಪ್ರಶ್ನೆಗಳು

ಪ್ರತಿ ಕಷ್ಟದ ಕ್ಷಣಗಳನ್ನ
ಪ್ರೀತಿಯಿಂದಲೇ ಸ್ವೀಕರಿಸುತ್ತಿರುವರು .,
ಪ್ರತಿ ನೋವನ್ನು ತಂತಾವೇ ನುಂಗಿಕೊಳ್ಳುತ್ತಿರುವರು
ಎಲ್ಲವೂ ನಿನ್ನ ನಡೆ.., ಎಲ್ಲವೂ ನಿನ್ನ ಲೀಲೆ ., ಎನ್ನುತ್ತಿರುವರು !!
ನಿನ್ನನ್ನೇ ಜಗದೋದ್ದಾರಕನೆನ್ನುತಿಹರು !!
ಇವೆಲ್ಲವಕ್ಕೂ ಅರ್ಥವುಂಟೇ ???
ಅವರ ನಂಬಿಕೆಗೆ ನಿನ್ನಲ್ಲಿ ಬೆಲೆಯುಂಟೆ ????



ಕಾಣುವ ಪ್ರತಿಯೊಂದನ್ನ
ಪರೀಕ್ಷಿಸಿ ನಂಬುವ ಮಾನವ !!
ಕಾಣದ ನಿನ್ನ ಅದೇಗೆ
ನಂಬುವನೋ / ನಂಬಿಹನೋ ??



ಆಸೆ ಕನಸುಗಳ ಜೊತೆಗೊಂದಿಸ್ಟು
ಆಶಾಭಾವನೆಗಳು ., ಇಷ್ಟು ಸಾಕೆ ?
ಮಾನವನ ಬದುಕು ಹಸನಾಗಲು ?
ಅವನ ಬದುಕು ಸಾರ್ಥಕವೆನಿಸಲು ??



ಎಲ್ಲವನ್ನೂ ಕೊಟ್ಟಾಗೆ ಮಾಡಿ
ಬಾಳ ಬೆಳಗುತ್ತಿಯ .. ?
ಅವೆಲ್ಲವಕ್ಕಿಂತ ಮಿಗಿಲಾದ ಆಸೆಕೊಟ್ಟು
ಬಾಳ ಹಿಂಡುತ್ತಿಯಾ ., ?



ಹೊಟ್ಟೆಗೆ ಹಿಟ್ಟು,ಕಣ್ಣಿಗೆ ನಿದ್ದೆ ,ಮನಸಿಗೆ ನೆಮ್ಮದಿ
ಇಷ್ಟು ಸಾಕಿತ್ತಲ್ಲವೇ ಮಾನವನ ಬಾಳ ಬೆಳಗಲು ??
ಹಣ , ಅಂತಸ್ತು,ಘನತೆ ಇಂತಿಸ್ಟು ಬೇಕಿತ್ತೆ ?
ಅವನ ಬಾಳ ಕತ್ತಲಾಗಿಸಲು.,



ಎಲ್ಲರನ್ನ ಒಟ್ಟಿಗಿಟ್ಟು ಪ್ರೀತಿ ಬೆಳೆಯ ಬಿಡುತ್ತೀಯ.,??
ಎಲ್ಲರನ್ನ ಒಟ್ಟಿಗಿಟ್ಟು ಬಾಳಕೊಂಡಿಗಳು ಬಿಗಿಗೊಳ್ಳಲು ಬಿಡುತ್ತೀಯ .,??
ಕೊನೆಗೊಂದು ದಿನ ಒಂದೊಂದು ಕೊಂಡಿ ಕಳಚಿ
ಬಾಳ ದಾರಿಯಲ್ಲಿ ಯಾರು ಇಲ್ಲದಾಗಿಸುತ್ತೀಯ ??